24 نيسان, 2019
ar-JOen-US

049 - مسيحيون من خلفية إسلامية 16
Created on 19/11/2010 08:18:17 م

print

 تنزيل الحلقة

ســـــــؤال جــــــــرئ
الحلقة التاسعة والاربعون
مسيحيون من خلفية اسلامية الاخت اماني ( 16 )
تاريخ البث المباشر 17 يناير 2008

الاخ رشيد : مرحبا بمشاهدينا الكرام في حلقة اخرى من سؤال جرئ هذه ثاني مرة نستضيف فيها بالاستوديو اخت عابرة من الاسلام الى نور المسيح اخت اماني اهلا بيك
الاخت اماني : اهلا بك اخ رشيد
الاخ رشيد : توصلنا بخبر مفرح اخر لهذه الحلقة من الاستاذ رمسيس رؤوف النجار يخبرنا فيه ان الاخت شادية ناجي ابراهيم السيسي التي تطرقنا لقضيتها في حلقة من حلقاتنا الماضية قد تم اطلاق سراحها بعد اكثر من اربع شهور من السجن نقول لها الف مبروك وشكرا لكل من ساهم في نشر قضيتها والدفاع عنها و شكرا لكل من رفع صلاة لاجلها مازلنا نرى الرب يتمجد وينصر المظلومين معنا على الهاتف الاستاذ رؤوف رمسيس النجار ومعنا ايضا الاخت شادية اهلا بك استاذ
الاستاذ رؤوف : اهلا اخ رشيد
الاخ رشيد : هل ممكن تشرح لنا بعجالة كيف كانت ظروف اطلاق الاخت شادية وكيف حصل هذا الامر
الاستاذ رؤوف : الحمد لله احنا بعد ان صدر الحكم وجدنا فيه عوارا شديدا فطعنا عليه بالنقض وقدمنا مذكرة الطعن بالنقض وتقدمنا بالطلب الى السيد المستشار النائب العام المصري بمذكرة وطلبنا فيها ايقاف التنفيذ طبقا للمادة 525 من قانون الاجراءات الجنائية مرفق بها صحيفة النقض والحمد لله معالي النائب العام تفضل مشكورا بإعطاء الحق لذويه واخلى سبيلها فورا بقرار اصدره يوم الاحد الماضي و الحمد لله شاديه خرجت من حبسها وهي في طريقها حرة في الوقت الحالي وانشاء الله ببركة صلواتكم ودعواتكم يتحدد لها جلسة بالنقض وتعاد محاكمتها امام محكمة النقض ونأمل بإذن الله ان محكمة النقض تقضي بنقض الحكم واحالته بدائرة اخرى للقضاء تفيد بالبراءة انشاء الله
الاخ رشيد : هل ممكن نكلم الاخت شادية هي تكون معنا على الهاتف ايضا ، كيفك الاخت شادية
الاخت شادية : الحمد لله
الاخ رشيد : نشكر الرب مبروك
الاخت شادية : الله يبارك فيك
الاخ رشيد : شكرا لاجل ناس كتير رفعت صلوات لاجلك يا اخت شادية
الاخت شادية : اشكرهم لانهم وقفوا جانبي بعد ربنا
الاخ رشيد : ايه اللي حصل بالسجن يعني باختصار كيف حسيتي لما طلعت من السجن وكيف وقف معاك الرب اثناء هذه المحنة
الاخ شادية : ربنا وقف معايا كتير صدقني انا لما مش عارفة اقول ايه
الاخ رشيد : اتفضلي على راحتك مش مشكلة
الاخت شادية : انا لما اكون متمسكة بربنا مش ها يسبني هو بيقول ادعوني وقت الضيق تلاقوني
الاخ رشيد : بيقولوا مسكوكي لان ابوكي كان ارتد للاسلام ورجع مسيحي تاني او شئ من هذا القبيل هل هذا كان صح ام غير غير صحيح
الاخت شادية : هو كان عمل بس رجع دينه تاني
الاخ رشيد : انت ما كانش عندك خبر ؟
الاخت شادية : لأ يعلم المسيح كنا صغيرين
الاخ رشيد : وانت كبرت مسيحية وتزوجت مسيحية وعشت مسيحية وكل حياتك وانت مسيحية
الاخت شادية : ايوه ايوه
الاخ رشيد : ايه تقولي للناس اللي وقفت معاك وصلوا لاجلك ايه عايزة تقولي لهم
الاخت شادية : ابعث شكري لهم
الاخ رشيد : ربنا يتمجد في قضيتك و ها نفضل نطلب من الناس يصلوا لاجلك بالايام اللي الجاية علشان الرب يعطيك حل نهائي في القضية بتاعتك
الاخت شادية : الحمد لله اشكر ربنا لانه وقف جانبي و اشكر اخواتي اللي وقفوا جانبي وساعدوني
الاخ رشيد : نشكركم ونشكر الاستاذ رمسيس رؤوف النجار على هذا العمل ولانك وقفت مع الاخت شادية ونرجو ان القضية تنحل في اقرب وقت ممكن
الاخت شادية : الحمد لله البركة في ربنا وفيكم
الاخ رشيد : معنا ايضا خبرين فبل ان نعرض اختبار الاخت اماني معنا خبرين اريد ان اعرضهم عن المشاهدين هم على صفحة العربية الخبر الاول ان هناك تقارير تشير الى ارتفاع اعداد المرتدين من الاسلام للمسيحية بالمانيا وجهات المانية تطالب بحماية مسلمين حولوا للمسيحة بالتهديد بالقتل هناك حتى بالمانيا هناك تهديد بالقتل لمسلمين تحولوا للمسيحية الخبر الثاني الباحث السوري اللي استضفناه في حلقة من حلقتنا الاستاذ نبيل فياض بعد نشر كتابه ام المؤمنين تأكل اولادها بمصر والسودان باحث سوري يحاول الهرب الى اوروبا لانه اصدرت فتوى لهدر دمه يعني معرض للقتل لانهم افتوى انه يجوز قتله والاستاذ نبيل فياض يقرر الهرب من سوريا ، انا اريد ان نتسائل كل مرة بتجيني اخبار من هذا القبيل وعلى فكرة احنا البرنامج الوحيد البرامج التي تنتقد الاسلام هي الوحيدة التي لا تضع اسم المخرج اسم المنتج اسم طاقم الكاميرات وكل هذا القبيل لشئ واحد لان ممكن يقتلوهم لماذا قبل ان ندخل الاختبار لماذا هذا الخوف ولماذا هذا التهديد للناس اللي يتركوا الاسلام
الاخت اماني : لان ده من تعليم الاسلام اللي يترك الاسلام مرتد ويهدر دمه دي شريعة الاسلام هم ينكروها او لا ينكروها هي دي الحقيقة وحقيقة موجودة في حياتنا كلنا كمتنصرين كل واحد مننا عنده قصة بتحكي هذا النوع من الاضطهاد فيه ناس بيستخبوا سنين لا يقدروا ان يعلنوا ايمانهم علشان خايفين من الموت وفعلا بنسمع كتير قصص من مصر عن اباء بيقتلوا بناتهم او اولادهم لمجرد انهم امنوا بالمسيح ده واقع
الاخ رشيد : خلينا نبدأ قصتك واختبارك مع المسيح بالاول مين هي الاخت اماني وازاي تربت وازاي عاشت كيف كبرت الجو الديني اهلها
الاخت اماني : انا ببساطة بنت عادية من مصر تربيت في المهندسين جدتي وامي وخالتي كانوا هم عائلتي والدي موجود كان في مصر لكن امي ووالدي لم يكونوا عايشين مع بعض كانوا منفصلين لكن كانوا اصدقاء جدا و كنا بنتزاور ، عائلتنا كانت عائلة بسيطة و كنا تقدر تقول عائلة معتدلة دينيا ، جدتي علمتنا اصول الدين نصلي نصوم
الاخ رشيد : الاشياء الاساسية
الاخت اماني : الاشياء الاساسية غير طبعا تعليمنا في المدارس
الاخ رشيد : جدتك كان عندها تأثير كبير في حياتك
الاخ اماني : جدتي هي اللي ربتني علمتني ازاي عادات البنت ، الدين كل حاجة عادات وتقاليد كانت لها تأثير كبير علي
الاخ رشيد : كنتم اسرة محافظة جدا او متوسطة ام
الاخت اماني : متوسطة كنا عائلة معتدلة منفتحين جدا جدتي كانت تحب القرأة كتير كانت تتكلم 5 لغات كانت من اول اثنين سيدات يتخرجوا من جامعة القاهرة كمحامية فكان تعليمها عالي وكان دايما قلبها مفتوح وفكرها مفتوح إلا في الدين
الاخ رشيد : ايه اللي حصل نريد تسلسل الاحداث شوية يعني ايه اللي حصل حتى ابتداء في مسيرتك مع المسيح من طفلة صغيرة من اسرة عريقة كأي بنت مصرية يتغير مسار حياتها ايه اللي ابتدأ المسيرة دي
الاخت اماني : في الاول احب اقول لك ان فكرتي عن الله ايه فكرتي عن الله كأي بنت مسلمة افتكر ان انا كان عندي 3 ، 4 سنين سألت جدتي فين ربنا قالت لي ربنا موجود في كل مكان طبعا انا كطفلة قلت لها ممكن ألمسه جدتي اتخضت جدا وقالت لي لا ما حدش يتكلم عن ربنا كده لأ لازم تتكلمي عن ربنا تتكلمي باحترام عيب حرام كعادتنا فأول فكرة لي عن الله انه موجود ولكن مخيف ولا يناقش لا نقدر نسأل عنه اسئلة كتيرة ، تسلسل الاحداث واحنا بنكبر بنتعلم في المدرسة وبعدين يحصل حاجات نسأل الاسئلة في فصل الدين او في فصل اللغة العربية لان هناك طبعا نحفظ الدين في اللغة العربية نسأل اسئلة ولما الاسئلة تكبر المدرس يقول يعني انت فاهمة نفسك ها تفهمي احسن من ربنا اسئلتنا دائما مردودة يعني لا تتعالي انت فاكرة نفسك بتفهمي اكتر ، الفكرة اللي كانت عندي الدين ناخده زي ما هو لكن كان عندي فكرة عامة عن الرسول وقصص الرسول وقصص الانبياء ، لكن بداية معرفتي بالمسيحية كانت من خلال والدتي ، والدتي لم تكن معنا دائما معظم الوقت كانت تسافر كثير وكان واضح في حياتها انها تبحث عن شئ ناقصها كانت متميزة جدا لكن بحثها الدائم عن الشئ اللي لم تجده خلاها لم تتواجد معي في حياتي كثير خلاها تبقى شوية غريبة بالنسبة للناس وفي يوم من الايام بس بسرعة في يوم من الايام ماما جاءت وقالت انا وجدت المسيح وبقيت مسيحية طبعا ده سبب صدمة شديدة جدا في حياتنا جدتي طبعا قامت وقعدت وجبنا الشيوخ وتناقشنا لكن ما فيش حاجة غيرت رأيها فأنا باختصار قررت اني افتح الانجيل واشوف ، انا في فكري قلت لو فتحت الانجيل طبعا لان الانجيل ده محرف ده اللي احنا بنتعلمه ان الانجيل اللي في ايد المسيحيين محرف قلت انا لما ها افتح الانجيل طبعا لا يقارن بالقرآن اللي هو اللغة العربية وكلام الله والسجع اللي بنسمعه وكده قلت ها ألاقي فيه كتير افكار ها اقدر احاربها بيها و لما فعلا فتحت الانجيل وبدأت اقرأ عجبني جدا تسلسل الافكار والحاجة الملحوظة اول انطباع بالنسبة لي وجدت اني فاهمة تسلسل القصص فاهمة بيقول ايه بس الشعر فيه ما كانش مضبوط
الاخ رشيد : لا توجد القافية اللي بنعرقها في القرآن
الاخت اماني : فبقيت اقول كل ما اكمل كل ما الاقي غلطات لكن باختصار قرأت بتسلسل في العهد القديم ولما جه للاسامي والقوانين و الكلام ده لقيته صعب شوية قلت افتح العهد الجديد اللي ماما بتحكي عليه ده ايه فتحت على انجيل يوحنا واعتقدت في الوقت ده انه كان بالصدفة لكن في الحقيقة انه النهاردة انا عارفة انه مش صدفة كان عمل الله لاني اول ما فتحت انجيل يوحنا اول صفحة واول اية في البدء كان الكلمة على طول عرفت انه بيتكلم عن السيد المسيح وحصلت لي نقلة ذهنية روحية
الاخ رشيد : كان سنك تقريبا
الاخت اماني : كان سني حوالي 14 في الوقت ده على طول في هذه النقلة عرفت ان الله كان بيتكلم لروحي عرفت انه كان بيتكلم عن المسيح فسألت ايه هي النعمة اللي بيتكلم عليها دي و بعدين لما يوحنا بدأ يتكلم عن المسيح و هو بيحكي عنه وبيتكلم عنه ، المسيح ابتدأ يترآى لي شخصيا وكأني عشت معاه هذه القصة اللي هو عايشها شفت معاه المرأة السامرية شفت معاه المرأة الخاطية شفت مدى انبها المرأة السامرية بشخص المسيح و مدى حنيته عليها واحترامه ليها كامرأة وهو واقف بيكلمها ويديها الوقت
الاخ رشيد : رغم انها خاطئة وفي عرف اليهود مش لازم يتعاملوا معهم
الاخ اماني : في الوقت ده لمس قلبي وفكرتني بامي لان الناس كانوا بيفتكروا ان امي طلعت عن الدين يعني بقت خاطئة ومطرودة من المجتمع وشفت قد ايه حماس المرأة السامرية المسيح قال لها روحي وما تكلميش حد من القرية ، ما سمعتش الكلام وقالت للقرية كلها وده اللي كانت امي بتعمله فعلا كانت بتكلم الناس عن المسيح
الاخ رشيد : لم تكن خائفة
الاخت اماني : لم تكن خائفة ابدا وده تميز شخصيتها اختيار الرب لها كان واضح اختارها هي الاول لانها كانت شخصية متميزة لها شخصية قوية وانت عارف في مجتمعاتنا امرأة بشخصية قوية مرفوضة غير مقبول ولكنها كانت محبوبة جدا من الجميع الجرأة بتاعتها دي ناس كتير قبلوا المسيح نشكر الله
الاخ رشيد : هل جاء الوقت وقررت تسلمي حياتك للمسيح وهل كان لامك دور كبير لدفعك في هذا القرار
الاخت اماني : هو الحقيقة لحظة تسليم حياتي للمسيح كانت نفس اللحظة اللي خلصت فيها انجيل يوحنا لانه الله وراني معجزة وانا بأقرأ انجيل يوحنا حبيته من غير ما اعرف كل التفاصيل وده بيحصل كتير جدا انك تقبل المسيح من غير ما تفهم كل حاجة عن اللاهوت والثالوث وكل ده هي دي كانت النقلة في حياتي
الاخ رشيد : جذبتك شخصية المسيح
الاخت اماني : شخصه هو لكن لا اقدر اقول ان انا كنت فاهمة كل حاجة انا ما كنتش فاهمة كل حاجة لكن من هنا عرفت انه لمس قلبي وانا عايزة ابقى معاه
الاخ رشيد : ما كنتيش خايفة بيتناقض مع ايمانك المسلم بتشوفي امك ايه حصل معاه بتشوفي ردود الافعال تجاهها كيف
الاخ اماني : لا اعرف إزاي ما كنتش خائفة يمكن اخذت شوية من جرأة امي بس لانها هي كانت معي كمان هي سندتني
الاخرشيد : اخبرتيها انك امنت
الاخت اماني : على طول اول ما خلصت قرأة انجيل يوحنا خرجت وقلت لها يا ماما انا امنت و وصلينا مع بعض في الوقت ده واعتقد ان دي كانت من احلى الصلوات اللي صليناها مع بعض وهي كانت فرحانة جدا
الاخ رشيد : كنت انت اول ابنائها اللي بيجوا للمسيح
الاخت اماني : انا بنتها الوحيدة والدي عنده اولاد وبنات غيري لكن هي لم تلد غيري
الاخ رشيد : ايه ردود الافعال ايه اللي حصل بعد كده
الاخت اماني : اللي حصل بعد كده ان جدتي عرفت حزنت جدا وقررت انها تسبنا وتمشي فسبتنا ومشيت وراحت الكويت علشان تقول لخالتي وهي الجزء الاهم من العائلة هي العاقلة في العائلة هي اللي كانت دائما توزن الامور وتظبط الامور بين امي وجدتي فسافرت في الوقت ده علشان تقول لها و لكن خالتي كانت بتمر بأزمة نفسية شديدة جدا فما قدرتش تقول لها الله سبب ان خالتي بسبب الازمة النفسية اللي بتمر بها دي تقرر انها فجأة تنزل مصر في يوم صحيت الصبح وقالت لجدتي انا ها انزل مصر ، حجزت تذكرة في نفس اليوم و نزلت في اليوم ده والله عمل معجزة في اليوم ده انا بأحكي بالتفصيل علشان الله عمل معجزة جميلة جدا في اليوم ده ، اليوم ده بدايته كان في الكويت خالتي صحيت قالت انا نازلة مصر وجدتي قالت لها اقولك دلوقتي انا ما كنتش عايزة اقولك اختك اتجننت وكمان جننت بنتها روحي الحقيهم ادي الحكاية وفي مصر في نفس اليوم احنا صحينا الصبح ماما قالت لي اماني احنا ها نروح كنيسة العذراء النهاردة ها نروح نصلي لخالتك وخرجنا انا وماما وروحنا كنيسة العذراء في الزيتون اللي بيحصل فيها ظهورات العذراء وابتدينا نصلي لخالتي وقعدنا وماما كتبت على الحائط هناك على ورقة وكتبت اختي هدى تصل اليوم وقعدت ماما امام الكنيسة والمذبح تصلي طول اليوم وانا تعبت عايزة انام جعت وبعدين فضلت يا ماما نروح نروح مافيش لحد في وقت قالت لي اوكيه دلوقتي نروح روحنا البيت ، البيت مظلم زي ما سيبناه دخلنا ماما فتحت الباب ولقيتها بتصرخ هدى انت فين ، امي كانت بايمان شديد عارفة ان الله وعدها انه ها يجيب اختها النهارده و فعلا خالتي خرجت من الحجرة انا صعقت وخالتي جت وصلت في اليوم ده فعلا وقلت لها مين قالك ان انا جيت في اليوم ده انا حجزت النهاردة فقالت لها ربنا وعدني انه ها يجيبك النهاردة فخالتي افتكرت انها بتهزر فقال لها لأ انا ها اخدك كنيسة العذراء الزيتون وها اوريكي وفعلا ورتها الورقة اللي مكتوب عليها اختي هدى تصل اليوم ودي كانت بداية اختبار خالتي
الاخ رشيد : انت لما قابلت المسيح ايه اللي حصل لك في حياتك الشخصية
الاخت اماني : بعد قبولي للمسيح انا وماما قعدنا فترة مع بعض وكان عندنا فرحة شديدة والتعليم وابتدينا نشرب الكتاب المقدس وبعدين ماما علي صوتها شوية فكانوا ها يسجونوها فقدرت تخرج نشكر الله من مصر وفعلا جالنا خبر انهم كانوا ها يسجنوها وقدرنا نخرجها لانها كانت بتبشر الناس و بتخدم واللي محتاج حاجة بتعملها وتكلموا عن المسيح خرجت من مصر ربنا اداها فرصة تروح امريكا دي كانت معجزة لكن انا ما قدرتش اخرج فضلت قاعدة في مصر وكملت خدمة وتعليم لكن انت عارف حياة البنت في مصر لازم اتجوز مش ممكن اتجوز مسيحي لانه ممنوع المسلمة تتجوز مسيحي طيب ها نعمل ايه ابتدأ ابي يتدخل في حياتي ويقول لي ايه اللي انت بتعمليه انا عارف انك بتروحي كنائس واجهني قلت له ايوه انا بقيت مسيحية يعني اليوم ده كان شديد جدا حصلت فيه مواجهة قاسية جدا بيني وبين والدي و وعدني انه ها يهد الكنيسة على بعضها و فعلا تسبب في اذى ناس كتير جدا من الكنيسة دي انا في الوقت ده خفت وتعبت ، الناس بدأت تبعد عني شوية حياتي الروحية ضعفت وبعدين ابتديت افكر اشغل مخي ، انا لازم اساعد نفسي فقلت اعمل لنفسي خطة وهنا كانت غلطتي لم انتظر وعد الله ولكن عملت لنفسي قررت اتزوج لقيت واحد مسلم مناسب للوضع الاجتماعي ابويا ممكن يوافق عليه وقبل في نفس الوقت ان هو يخليني اعيش كمسيحية واروح الكنيسة بحريتي في السر
الاخ رشيد : يعني كان مسلم منفتح
الاخ اماني : لأ هو ما كانش مسلم منفتح في الحقيقة هو كان مسلم متشدد ولكن حصل بينا تبادل منافع فعلا تزوجته ، المنافع اللي هو كان بيأمل فيها لم تحدث لان ابويا كان اذكى منه كتير واذكى مني في نفس الوقت اللي حصل بعد اول طفل وتاني طفل لقى المنافع مش نافعة بقى الموضوع تتحجبي وما فيش كنيسة ومش عايز اسمع الكلام ده فانا لضعف نفسي ودي الحقيقة انا اعتبرت ان الله تركني وتخلى عني والحياة بقت صعبة جدا وعشت في هذا الزواج 9 سنين
الاخ رشيد : 9 سنين وانت مرتبطة بشخص مسلم لا تتتقاسموا نفس الايمان نفس المعتقد وانقلب عن الاتفاق الاولي اللي كان بينكم انه يسيبك لحالك تمارسي معتقدك كما شئت
الاخت اماني : وانا ابتديت يبقى عندي انفصال عن الله ابتديت اسكت صوت الله في حياتي وابتديت اشك هل فعلا ده كان حقيقة ولا لأ
الاخ رشيد : طيب خليني اذكر المشاهدين انه فيه برنامج جديد ها يطلع على قناة الحياة اسمه صوت الاختبار ربما بسؤال جرئ لا نعطي نفس الحرية للضيوف انهم يحكوا كل تفاصيل اختبارتهم بناخد رؤوس الاقلام او الاحداث المهمة جدا ونبتدي ناخد مكالمات لكن هناك برنامج جديد اسمه صوت الاختبار سيعطي الفرصة للشهادة كليا بكل تفاصيلها سيكون قريبا على قناة الحياة ، خليني اختي اخد بعض المكالمات و نبتدي من جديد عند النقطة اللي وقفنا عندها المكالمة الاولى من السيد مدحت من هولندا اهلا بك
مدحت : اهلا اخ رشيد انا اتصلت بك من ثلاث شهور علشان مراتي مرثا في مصر يمكن تفتكر بقى لي سنتين احاول اجبها وكانت الامور صعبة جدا وبنعمة المسيح بعد ما اتصلت بك مشي الحال وانا لسه جالي جواب دلوقتي ان مراتي سمحوا لها تيجي الحمد لله انا من فرحتي حبيت افرحك معي وانا يمكن لم اتصل بهم في مصر هم سامعني دلوقتي لان انا لما اتصلت ناس قالوا علي انا اتجننت اني اتصل بيك لان دي مش مشكلة انا مش مجنون انا كنت عاقل فعلا وانا فرحان كتير قوي بالبرنامج بتاعك وانت منور الشاشة مصر كلها بتحبك هم كانوا عايزين البرنامج لما يتعاد يتعاد يبقى ساعة ونصف انا مش عارف ليه بتعيدوه ساعة بس
الاخ رشيد : صدقني هذا يعود الى إدارة القناة و نطلب انه ممكن يحلوا المشكلة عن قريب
مدحت : طيب انا اشكرك كتير وباشكر كل واحد صلى من اجلي وانا باحبك كتير
الاخ رشيد : نشكر الرب و مبروك ، هناك مكالمة تانية من سيد احمد من الولايات المتحدة اهلا بك
احمد : سلام ونعمة اخي الحبيب رشيد
الاخ رشيد : سلام ونعمة
احمد : الشيخ احمد معاك انا احكي معاك و باتصال مباشرة ايضا لمسيحي الشرق الاوسط على البال توك نذيع البرنامج بنقول لاختنا الحبيبة اماني مبروك عليك الخلاص سعيدين باختبارك طبعا انا عابر مثلك والاخ رشيد و كثيرين الحصاد كثير كثير ايضا نحب نبارك لاختنا شادية لخروجها بالسلامة طبعا هذه الحكومات التي تتبع اسلوب القمع انها لا تسمح بحرية الاعتقاد لان ابسط شئ من حقوق الانسان ان الواحد له حرية الاعتقاد او حرية الدين فيه كمان ذكرت الاخ السوري ( الاستاذ نبيل فياض ) شئ مؤسف جدا اخي رشيد لما نرى كيف ان هذه الانظمة عندها تبعية مباشرة لا تمشي وراء شريعة الضمير او القانون الوضعي انما تمشي وراء العقيدة اعتقد الكل صار يعرفها ويعرف مصدرها يعني انا تعرضت مثل الاخ اتذكر اختباري قتل والدي نتيجة ارتداده عن اسلامه طبعا انا مهدد الان بنفس الشئ إذا هذا الدين لا يمكن ان يكون دين سماوي لذلك الاخو المسلمين من خلال البرنامج اللي بيسمعوه بس ان الواحد يحكم عقله أقرأ و دع ضميرك يحكم هل ممكن ان يكون القرآن كلام الله الحق الله الخالق انا اشك بهذا لان من خلال مراجعتنا وقرأتنا للقرآن وجدنا فيه انا والكثيرين وانت خير شاهد انت اخي الحبيب واختنا اماني ان فعلا هذا الكتاب لا يمكن ان يكون كتاب صلاة انما هو كتاب شيطاني لا اكثر ولا اقل سامحني على اللفظ ولكن كان لازم من هذه الكلمة
الاخ رشيد : هو اكيد نحن نؤمن ان القرآن مش كتاب من عند الله لكن ينبغي ان نقولها بطريقة علمية و تقدم الحق من غير ما نتمادى بنعته بأي . نقول ان القرآن مش من الله و لا يمكن ان يكون الطريق لله وندي فرصة للمسلمين يردوا ونتناقش بهذا الموضوع نتحاور فيه
احمد : اكيد انا معك لكن مثلما انت تعرف اخي الحبيب رشيد نحن في غرف البال توك الغرف اللي بتناقش اسلاميات 24 ساعة نناقش هذه الامور اعذرني انا احترم البرنامج كل احترام لكن الحقيقة يجب ان تقال على كل حال مش ها طول علشان فيه اخوة كثيرين حابين يباركوا ويشاركو معك شكرا لك ونحن منظمة مسيحي الشرق الاوسط ونشكرك ونهني الاخت اماني واختنا شادية
الاخ رشيد : ربنا يخليك سلام ونعمة ، طيب اخت اماني انا اتفق مع جزء كبير من اللي قاله الاخ احمد ان فيه ضغوطات كتير بيمر بها الانسان خصوصا اللي بيجي من خلفية اسلامية ممكن نفهم نحن الشباب الظروف اللي مرينا فيها سواء انا او اشخاص تانين ، كيف بالنسبة لامرأة زيك متزوجة واحد مسلم هل ممكن تخبرينا بعض الاحداث اللي خلت ايمانك يفتر او ربما لا تمشي الخطوات التي لازم تتبع الايمان
الاخت اماني : طبعا اهم حاجة لما الانسان بيسيب حياته ، دينه ، شرفه انت عارف بتحصل لنا حالة حزن نحزن على اللي خسرناه على اللي يعلمناه على الخداع اللي كنا عايشين فيه فنبقى محتاجين ان حد يسندنا طول الوقت ده محتاجين حد يعلمنا حد يبقى معنا روحيا لكن فيه قرارات الواحد بياخدها شخصية لازم نكون مسئولين عن القرارات دي انا كشخص مسئولة تماما عن الفتور الروحي اللي حدث في حياتي انا اعتقدت اني كنت متروكة من الله وهذا غير حقيقي لانه قال لا اهملك ولا اتركك وهو صادق لا يتغير
الاخ رشيد : هل هددك احد يعني قلت زوجك منعك من الذهاب للكنيسة حجبك كيف كانت هذه الفترة
الاخت اماني : طبعا زوجي كان يعلم تماما فترة الفتور الروحي الي انا بامر فيها استغلها علشان خاطر يبقى شكله العام امام عائلته انه قادر يسيطر علي لاني كنت حاسه ان عائلته بدأت تحس كانوا عارفين ان والدتي مسيحية وخالتي مسيحية فكان عايز يسيطر على الشكل العام و يوريهم انه مسيطر على البيت اما انا كامرأة في عائلة مسلمة ومتزوجة مسلم اذكر انه من اول الاحاديث بيني وبين حماتي انها حبت انها تفهمني ان الرسول قال ان اللي تغضب جوزها بما معناه بكل التفاصيل تبات الملائكة تلعنها طول الليل لحد صلاة الفجر يعني الملائكة ماوراهمش حاجة غير انهم يلعنونا طول الليل دي الحاجة اللي على طول مخيفة وانا اذكر جارتي اللي تحت كانت تيجي تشتكي من جوزها وتقعد تقول قد ايه هي تعبانة كانت تخاف انها تعصاه علشان الملائكة ها تلعنها تقول يعني انا اصلي الخمس فروض طول النهار والملائكة تقعد تلعني يعني انا ناقصة ، ده فكر فيه تخويف ومش بس اطيعه هو اطيعه هو وعائلته كمان
الاخ رشيد : طيب كيف تغلبت على هذه الظروف وخرجت من هذا المشكل اللي عملتيه انت نفسك
الاخت اماني : الحقيقة كان معجزة من ربنا بعد 9 سنين من الزواج ده انا في مصر ما كانش لي مخرج لاني عارفة اني كأم لابني وبنتي هو كان عارف انه يقدر يأخذهم طبعا لو كنت خرجت من البيت او قررت ان اخد اي قرار ضده ها يأخد اولادي وكان عمري ما شفتهم لان ده القانون ، فضلت في البيت علشان خاطر اولادي وكنت عارفه ان اهلي مش ها يرضوا انهم يسندزني في الموقف ده لاني بالمصري مضروبة يعني خلاص اتنصرت واتجوزت على خلاف رأي العائلة تتحمل النتائج مع ان كان فيه بيننا ترابط لكن الواقع كان اني لازم افضل لكن الرب وضع على قلب والدتي وده بعد عشر سنين قدرت والدتي وزوجها انها تنزل مصر كانت لم تقدر تنزل مصر نزلت مصر وربنا وعدها في الوقت ده انها ها تقدر تخرجني من مصر وفي الوقت ده فعلا هي جاءت بقلب صادق جدا طلبت من زوجي ان هو يجي انا وهو و الاولاد نروح معاهم امريكا في الوقت ده كان جوزي جاله مرض القلب وكان بدأ يتعب من الحياة اللي احنا عايشنها فقرر ان هو يخليني اروح لفترة ده كان القرار الشخصي اللي هو اخذه وفعلا قال لي تقدري تروحي مع والدتك وانا ها احصلك بعد ثلاث شهور وفعلا خرجني من مصر ومضى على الورق وطلعني بالاولاد علشان تعرف ان دي معجزة من ربنا انا لما خرجت من مصر وروحت امريكا خرجت من مصر ووالدتي كانت لسه في مصر و طلعني هو استقبلوني اصحابهم في امريكا علشان تعرف ان دي كانت يد الله ، في الوقت ده انا كنت تعبانة جدا وما كنتش مصدقة ان دي حاجة ممكن تحصل ولا كنت شايفة نهاية لحياتي ، دي الطريقة اللي طلعت بيها
الاخ رشيد : خلينا نتابع بعد قليل ناخد السيد عبادي اهلا بيك من المملكة العربية السعودية
عبادي : سلام المسيح
الاخ رشيد : سلام المسيح معك اهلا بك اخ عبادي صار زمان
عبادي : الرب يباركك كيف حالك اخ رشيد انا اهني طبعا كل اخ عابر لي في المسيح هذا الشعور انا جربته وانت جربته وغيرنا كثير الوف ملايين جربوه هذا الشعور لا يوصف وانا باستمع للمداخلة السابقة انا كنت غاية في السعادة انا في الخارج لست في المنزل حتى اتابع البرامج انا كنت في غاية السعادة الرب يباركك انا ارسل التحية لجناب القمص والدكتور ابراهيم و الاخ احمد ولك شخصيا وللاخ الياس ولكل اخ لي كمان اوجه التحية لكل اخ سامعني خاصة من المنتصرين والشجعان العابرين نور الرب يسوع عليهم ،
الاخ رشيد : الاخت اماني عايزة تسلم عليك
الاخت اماني : اخ عبادي عايزة ارحب بك شخصيا علشان تعرف انك باركتنا كمان باختبارك وربنا يباركك ويغطيك ويحميك باسم يسوع المسيح ربنا يباركك
عبادي : امين ربنا يباركك انا سعيد لاجلك ولاجل كل اخ عابر هذا اللي يشجعنا ويقوينا خاصة اننا في معقل الشيطان رئيس الظلمة والاهوال اللي بدأ يشن حملة قوية شرسة وبالمقابل الشباب واثقين ان هذا الاضطهاد ماهو إلا يزيدهم ايمان بيسوع المسيح وان ايمانهم هو عين الحقيقة وعين الصواب و إلا لما كان رئيس سلطان الظلمة واعوانه في حروب شيطانية ماكرة قوية لا يصدقها العقل لا يمكن ان يصدقها لكن اريد ان ابشر جميع الاخوة وخاصة العابرين واشجعهم عندنا في مجتمعنا شباب انا متواصل معهم عبر الجوال بشكل خطير جدا اعداد هائلة تدعونا للبرنامج ندعو لبرامج جناب ابونا غاية في الروعة لكن ما اريده والتمسه ان نرفع الصلاة لبعض الشباب الذين حكموا عليهم ببعض احكام الرده مع الاسف الشديد وهذا قطع رؤوسهم بالسيف هذا هو حد الرده في الشرع الاسلامي معروف هو قطع الرقاب وفعلا بعض الاحكام صدرت على بعض الشباب هم محتاجين لرفع الصلاة للرب من اجل ان يتم خلاصهم الجسدي كما خلص قلوبهم وعقولهم من سلطان الظلمة ان يخلص اجسادهم من اعوان سلطان الظلمة
الاخ رشيد : خلينا نصلي من اجلهم الاخ عبادي الان ، يا رب انت لك كل سلطان انت الخالق انت مالك كل شئ يا رب لا نخاف سلطات لا نخاف احكام لا نخاف قوانين نخافك وحدك يا رب ، يا رب كل شئ هو تحت سلطانك نسلمك الاخوة الآن الذين تكلم عنهم الاخ عبادي انهم تحت حكم الردة يا رب انت انقذت بولس وسيلا من السجن زعزعت اركان السجن و خرجتهم بسلطانك يا رب ، يا رب انت قادر لان قلوب الملوك جداول مياه في يدك انت تتحكم في كل شخص نضعهم بين يديك يا رب نضع ايمانهم وثقتهم فيك يا رب انت تنظر للقلوب تنظر للظروف تنظر لكل شئ يا رب تدخل بطرقك بوسائلك نطلب منك و ننحني امامك يا رب لانك اله صادق في وعودك انك وعدت مع كل تجربة يكون المنفذ يا رب نطلب هذا كله باسم يسوع المسيح امين ، نطلب من كل مشاهد يرفع هؤلاء الاخوة بصلوات ويطلب من الرب انه يتدخل و نخليهم دائما في صلواتنا يوميا حتى ان الرب ينجيهم من ضيقاتهم اشكرك اخويا عبادي على هذا الاتصال الحلو وخليك دائما على اتصال بينا ، تحبي تعلقي شوية اخت اماني
الاخت اماني : جي في بالي الآية بتاعة انا ها اقولها بالانجليزي ممكن تترجمها
الاخ رشيد : اتفضلي انا عارف انه تأثرتي بالثقافة الانجليزية كتير
الاخت اماني : ايوه الاية دي بترن في قلبي ....
الاخ رشيد : لي الحياة هي المسيح والموت هو ربح لي
الاخت اماني : امين ربنا يباركهم و يتدخل في حياتهم الموت مش حاجة
الاخ رشيد : هل ممكن تتصوري ماذا يحصل للرجال فكم بالاحرى النساء هل ندك كلمة ربما بنت زيك بتمر بظروف مشابهة بنعرف مشاكل الزواج بالنسبة لكل اللي بيخرجوا من خلفية اسلامية بنعرف انهم لازم يدبروا حياتهم اليومية وفي نفس الوقت امور تتعارض مع ايمانهم يعني لا يمكن ان نقبل ان الظلمة تتعايش مع النور اي نصيحة توجهيها لهم
الاخت اماني : الحقيقة لما دعتني اكون في البرنامج انا حسيت ان الرب فعلا عايزني اتوجه بالكلام لاخواتي الستات اللي تحت نير زوج او اب او اخ لسه عايشين في ظلمة الاسلام انت شهادة لابوك لامك لاخوك زي ما انت ، انت عارفة ان الرب عينك من وقت ما صورك في البطن الكتاب بيقول كده هو دعاك بالاسم اعرفي ان اللي دعاك بالاسم لا يمكن يسيبك لما كنت متزوجة وعايشة مع زوجي كان الرب يقول لي في اذني لا اهملك ولا اتركك اقول له مش عايزة اسمع ، ما تقفليش ودانك عن صوت الرب ، الرب كان يقول لي ان نسيت الام رضيعها انا لا انساك اقول له مش عايزة اسمع لان كان قلبي انقفل من الخوف ، ما تتركيش نفسك للخوف يا اختي لان الرب يسوع اللي دعاك مش ممكن يسيبك في الظروف اللي انت فيها لما الوقت يضيق سلمي للرب طريقك وامورك وهو يجري انظري ليد الرب اللي ها تنتشلك من اللي انت فيه لانه صادق ولا يتغير
الاخ رشيد : شكرا اخت اماني خلينا ناخذ اخت خلود من الولايات المتحدة اهلا بك اخت خلود
خلود : اهلا بيك اخ رشيد انا جدا فرحانه سلام المسيح معكم اشكر يسوع انه سمح لي هذه المرة ان اتكلم معكم انا عدة مرات احاول اني اتصل وما يصير مجال
الاخ رشيد : نشكر الرب انه صار فيه مجال هذه المرة
خلود : الحمد لله اشكر يسوع وانا بعت لك رسالة من قبل 5 ، 6 شهور وما باعرف يمكن ما قرأتها شرحت لك ختباراتي مع المسيح انا مسيحية بس الله اشتغل معي في كل ايام حياتي من انا عمري 8 سنين ويسوع اشتغل معايا بس انا ما بقول اني كنت قديسة من اول ما ولدت لأ انا عشت في الخطيئة ويسوع اقامني والى الآن لم اكن اعرف ان هذا غضب الله وجيت ليسوع والآن اريد اشهد للعالم اريد اقول للعالم انا يسوع عاقبني وجيت وركعت بكل ندم وحسيت يسوع قد ايه حنون علي ورحمني وسامحني وقدسني واعطاني نعمة الروح القدس وتتصور شرح لي الانجيل كله وفهمني انه من غير القداسة ما فيه خلاص فهمني الشريعة و المنهج اعطي لشعب اليهود لكن اليهود ما فهموا معنى القداسة هم قالوا انهم شعب الله المختار ما معنى المختار المختار هو الابن المحبوب من الله الابن المقدس
الاخ رشيد : طيب اختي خلود رسالة منك لكل امرأة مسلمة
خلود : انا اقول لها ما فيه طريق للقداسة إلا في طريق المسيح قال انا هو المعلم اشرح لكم طريق القداسة انا هو الطريق اللي اقدسكم بيه حتى توصلوا الى الملكوت ما فيه طريق آخر من غير القداسة ما فيه خلاص يا اخي ، هذا هو المسيح فهمني اياه وشرح لي اياه يا اخي وللاسف احنا المسيحيين مش كلنا بنبين المسيح صدقني ولهذا احنا بنشوه صورة المسيح ويل لنا لان احنا المسيحيين بنشوه صورة المسيح اكثر من اي انسان اخر بعيد عن المسيحية فلا تتصور ان المسيحيين راح يتخلدوا لأ المسيحي الحقيقي هو الممسوح بنعمة الروح القدس هو الانسان المؤمن هو الانسان اللي بيتمثل يعني لما تيجي على انسان ناجح تقول له مين هو مثلك الاعلى يقول لك ابي او امي فاحنا مين هو مثلنا الاعلى هو المسيح المسيح علمنا القداسة المسيح هو الله
الاخ رشيد : اشكرك اخت خلود على كلماتك القوية ونطلب من الرب ان يستخدم هذه الكلمات في قلوب ناس كثيرين اللي يعيشوا حياتهم بعيد عن المسيح لكن مع ذلك يطلق عليهم اسم المسيح يعني كيف نوجه كلامنا لا نريد ان نجرح احد في نفس الوقت لا نريد ان نتغاضى عن الاخطاء يعني بعض المرات احنا لما نيجي للمسيح نعتقد كمسلمين ايضا من خلفية اسلامية نعتقد انه خلاص آمنت بالمسيح انتهى ، هي بداية الدرب هو لازم الانسان ينمو واكيد بيرتكب اخطاء خلال هذه المسيرة يا اختي انت ارتكبت خطأ بحلولك الشخصية انا ايضا ارتكبت اخطأ في بداية مسيرتي لكن الكتاب يقول لا تشمتي بي يا عدوتي ان سقطت اقوم يعني الانسان ربما يبتعد في فترة عن المسيح لكن لازم يجي وقت ويرجع للمسيح ويتذكر وعوده ووصاياه هل ممكن تدينا فكرة هل ده اللي حصل معاك بالضبط
الاخت اماني : الكتاب بيقول يقوم الصديق ويسقط في اليوم عشر مرات ، الحياة مع المسيح يوم بيوم الله بيعلمنا حاجة جديدة كل يوم على قدنا انا لما خرجت من مصر جيت هنا وانا مليانة غضب غضبانة على جوزي غضبانة على اهلي غضبانة على ربنا نفسه إزاي يا رب انا اجيلك وانت تخليني امر بكل الآلام دي كلها ، ما اخدتش بالي ما بصتش كده حولي و شفت ان يده اخرجتني بمعجزة مش لوحدي لأ باولادي كمان ده لا يحصل
الاخ رشيد : الانسان يشوف بس هنا لا يرى المخطط الكامل
الاخت اماني : نعم حلقة ضيقة لكن لما الرب فتح عيني اول حاجة علمها لي قال لي بصي لنفسك وبعدين اغفري فعلا بصيت لنفسي لقيت اني السبب في كل المشاكل اللي انا مريت بها ولكن الخطوة التانية اني اول ما غفرت طلبت للرب انه يغفر لي وغفرت للي حولي زوجي ، اهلي ، اي ناس ظلموني في حياتي ، والدي ، والدتي اي حد الرب فعلا غير حياتي ووراني ان هو لوحده يقدر ياخد اللخبطة بتاعتنا ويعملها رسالة
الاخ رشيد : الرب يحول حتى اخطائنا لتمجيد اسمه احيانا ، خلينا ناخد مكالمة من الاخت سارة بفلسطين اهلا بك
سارة : سلام المسيح اخ رشيد كمان للاخت اماني ابارك لها على الخلاص وبا حب اتذكر ترنيمة كثير باحبها كانت هي اول ترنيمة باحفظها ايام خلاصي يا تايه تهت في عالم تاه تعالى ارتاح فتش على اللي معاه جايب لك فرحة معاه انا كتير مبسوطة لحياتي مع المسيح كامرأة كانت مسلمة واحب اشهد للرب يسوع كيف حياتي اتغيرت كيف حياتي صار لها اسم ومعنى وقيمة بعد ما كنت في الاسلام انسانة محتقرة انسانة ما ليها وجود اسمي بيتذكر مع بعض الحيوانات كتير اشكر الرب يسوع وباتمنى الخلاص لكل العالم اتمنى المسيح يخلص كل العالم المسلمات بس يفكروا شوية يفتشوا في الكتب و الاحاديث ايه بيحكي عندهم الاسلام يشوفوا الحق والحقيقية يشوفوا هم فين المفروض يكونوا واتمنى اخ رشيد كمان ان انا في يوم من الايام اكون بقناة الحياة بس تكون ظروفي احسن من كده من اليوم واقدم برنامج ويكون اول حلقة ضيوفي اهلي بعد خلاصهم صلوا معي
الاخ رشيد : امين الرب يستجيب لانه طلبة البار تقتدر كثيرا في فعلها نتمنى الخلاص لكل واحد ما فيش واحد فينا يتمنى لاهله يهلكوا
سارة : نعم لان لما الواحد بيعرف المسيح ويقارن الحياة اللي باعيش فيها الآن واللي كنت فيها ما بيهون عليه حد ما يحصل على الخلاص ما بيهون عليه حد يظل عايش في الظلام ويضيع عمره على الفاضي والايام بتمضي وما ظل وقت كتير المسيح آتي سريعا باتنمنى الخلاص لكل العالم ويذوقوا طعم المسيح ويذوقوا الحياة مع المسيح ويكفي ضياع للوقت
الاخ رشيد : اشكرك اخت سارة على هذا الاتصال والرب يباركك ويسمع لصلاتك ، ناخد اتصال من سيد حسن بالمانيا اهلا بك
حسن : سلام ونعمة اخي رشيد انا مبسوط اني اسمع صوتك واختي اماني وما هو إلا وعد فعلا من السيد المسيح لنا لما قال له بطرس في انجيل لوقا ها قد تركنا كل شئ والرب فعلا وعد ان يكون لنا اضعاف اضعاف انا اعتبر اختي اماني واخواتي اللي احنا بنتقابل معهم اخواتنا فعلا وده تحقيق لوعد الرب اخي رشيد اشكرك واشكر كل اخ الاخوة والاخوات قائمين على البرنامج اشكر الاخوة والاخوات الادمن اللي دلوقتي بينقلوا مباشر ايضا البرنامج على البال توك و انا فعلا اصلي لاجل كل اخت واخ عرفوا نعمة الرب واشكر اختي شادية والاستاذ رمسيس المحامي ان ربنا يحميه اخويا رشيد بيبقى صعب جدا لما اقولهم انا سبت الاسلام وانت عارف اسمي الحقيقي ما بيصدقوناش لدرجة ان مرة اتصلت باختي في مصر وبرضه يقولوا لأ وباشكر الرب على البرنامج واتمنى لمجد الرب يكون فعلا معايا اجي ادي شهادة فقط لمجد الرب فعلا علشان تعرف مصر والعراق والعالم كله احنا مش بنكذب ان فيه مسلمين تركوا الاسلام ، عارف مكالمات كتير مستنية يا اخويا الرب يباركك ويبارك اختي اماني ويبارك كل الاخوة والاخوات اللي مسئولين عن البرنامج
الاخ رشيد : اشكرك اخويا حسن ربنا يخليك ، ناخد اختي اماني مكالمة اخرى وبعدين نرجع لشهادتك معايا اخي سمير من مصر اهلا بك اخويا سمير
سمير : اهلا اخ رشيد كيفكم ، حبيبي انا اشكركم كتير على البرنامج اللذيد اللي انتم عاملينه وباشكر كتير الاخت اماني انا عايز اقول لك على حاجة بسيطة جدا انا والدتي مسيحية و والدي مسلم انا مسلم و الحمد لله اني مسلم وانا باحب والدتي جدا بس كان عندي تعقيب صغير على كلمة قالتها الاخت اماني وانا اسف ان ها اعقب عليها هي قالت ظلمة الاسلام احنا مش بنجرح في احد كل واحد له رأيه تمام ولا لأ
الاخ رشيد : كل واحد له رأيه صح اتفضل
سمير : اكيد بس ما بنجرحش في دين تاني نقول ظلمة الاسلام كلمة ثقيلة جدا جدا على اي واحد
الاخت اماني : انا اسفة حبيبي مش قادرة اقول لك قد ايه
سمير : انا على فكرة باحترم دينكم جدا فوق ما اي حد يتخيل انا صاحب عمري اكثر من 12 سنة تمام مسيحي ووالدتي مسيحية وأنا قرأت الحمد لله في الاتنين و مقتنع بديني وطبعا مقتنع بدينكم كتير فيه حاجات كتير صح وفيه حاجات كتير قوي صح عندنا فيه مزيج بين الاتنين احنا المفروض نتعلم منه لكن ما نجيش نقول ظلمة الاسلام او مثلا ان انا اقول ظلمة المسيحية
الاخ رشيد : اخويا سمير احنا اسفين لو جرحناك او جرحنا اي واحد احنا نتأسف عن الجرح لان الهدف من البرنامج ليس جرح اي واحد ها يكون اخر هدفنا
سمير : على فكرة ده عندي كافي جدا وكفاية سماحتكم على فكرة
الاخ رشيد : انا ها اكمل فكرتي وبعدين اديك فرصة تعلق فيها تعليق اخير الهدف هو نوصل رسالتنا زي ما مقتنعين بها نحن ،احنا مقتنعين ان المسيح هو الطريق الوحيد للخلاص ومن غيره ما فيش فإحنا بنوصل الرسالة دي بطريقة او بأخرى بعض المرات اثناء توصيل هذه الرسالة بيحصل كلمات هنا وهنا لكن الهدف ليس تجريح المسلم ، لكن خليني اقول لك بالمقابل لا يمكن المزج بين الاثنين لايمكن ان نقول الاسلام صح والمسيحية صح لا يمكن لو الانسان صادق مع نفسه سيجد ان واحد صح والثاني مش صح
سمير : كل واحد بيشوف الصح من وجهة نظره
الاخ رشيد : صح وده منطق صحيح كل واحد يشوف الصح من وجهة نظرة لكن الاسلام ايضا يعني من وجهة نظر الاسلام ان المسيحية كفر لانه بيطعن في عقائدها و الآيات معروفة مش ها اشرحها لك بما انك مسلم انت بتتلو كل يوم لقد كفر الذين قالوا ان اله هو المسيح ابن مريم
سمير : ها اقول لك على حاجة يا اخ رشيد
الاخ رشيد : خليني اكمل فكرتي وها اديك كل الفرصة تعقب
سمير : شكرا شكرا كتير بس ها اقول لك على حاجة الحتة بتاعة الآيات دي اكيد هي بتفسر نفسها لان فيها حاجات بسيطة جدا هي بتفسر نفسها لكن ان انا اجي اقول ظلمة الاسلام دي صعبة كتير
الاخ رشيد : طيب ممكن اقول مثلا كفر الاسلام مادام يقول طيب ليه تسمح بيها لنفسك تقول عنا كفار
سمير : برضه صعبه
الاخ رشيد : طيب انت تلاقي لنا حل ليه بتقول عننا كفار
سمير : مش انا اللي بأوق وثانيا لم نقل الكفر لقد كفر الذين قالوا ان الله هو المسيح ابن مريم لكن الله هو واحد
الاخ رشيد : يعني انت مادام والدتك مع احترامي لها هي مسيحية بتقول عليها كافرة
سمير : لأ انا لا اقل هذا من قال ذلك و الله يعلم من في القلوب
الاخ رشيد : كل المسيحيين بيأمنوا ان الله تجسد وصار
سمير : الله اعلم بما في القلوب
الاخت اماني : لأ ماهي والدتك بتقول ان المسيح هو ابن الله عيسى ابن مريم نحن نؤمن بهذا كمسيحيين
سمير : انا بشر لا اقدر ان اكفر احد
الاخت اماني : احنا كمان مش ممكن اوضح لك حكاية الظلمة
الاخ رشيد : هل ممكن تبقوا معي الاخت اماني والاخ سمير لانه لازم نتوقف مع فاصل قصير نعود بعده لتكميل هذا النقاش انا اسف
بعد الفاصل
الاخ رشيد : نرحب بكم مشاهدينا في تكملة هذه الحلقة من سؤال جرئ كان معنا الاخ سمير و كانت الاخت اماني لكن للاسف انقطع الخط ، الاخت اماني كنت بتردي على الاخ سمير اكيد انه لازال بمتابعة البرنامج ايه كان ردك
الاخت اماني : انا بس عايزاه يعرف انه بالتأكيد انقطاع الخط غير مقصود علشان الناس بيبقوا قاعدين مش واخدين بالهم من الحكاية دي الحاجة التانية عايزة اقول لك انت بتقول صديقك العزيز جدا مسيحي والدتك مسيحية طيب ما هو انا اخويا مسلم واختي مسلمة وجدودي مسلمين ولسة مسلمين يصعب علي ان اهينهم او اجرحهم اوضح لك حكاية الظلمة اللي كنت باتكلم عنها ، الظلمة دي احساس الاحساس الي انا كمسلمة كنت عايشة بيه لما المسلم ينام بالليل مش عارف إذا مات الليلة دي ها يروح فين ده شئ متعب جدا انا فيه ايام طويلة جدا ما كنتش بانام فيها لانه القرآن بيقول كل إلا واردها ومش بس كده ده انا كمان ست يعني بيقولوا بالمصري زادت الطين بلة لان الستات قال لهم حديث انا شفت كلكم في النار ده كان شئ صعب على حياتي جدا لاني كنت خايفة جدا من الله اذكر موقف بسيط جدا حماتي مرة روحنا نزورها انا وزوجي والاولاد دخلنا البيت لقيناها قاعدة بتبكي بكاء شديد جدا احنا افتكرنا ان حد مات وكانت ست غلبانة عادية ما هياش شريرة ولا عملت حاجة في الدنيا مرعبة للدرجة دي احنا سألناها مالك قالت انها كانت بتقرأ عن عذاب القبر وعذاب النار فكانت في منتهى الرعب بالرغم من انها حجة ومحجبة و تصلي الفرض بفرضه و كانت ست طيبة ما كانتش ست وحشة ابدا ومع ذلك كانت مرعوبة من عذاب القبر وعذاب النار
الاخ رشيد : ده شئ مستحب في الاسلام ان الانسان يفضل دائما خائف
الاخت اماني : كان فيه برنامج قريب على القنوات العربية فيه الفنانة عفاف شعيب طالعة محجبة هي محجبة بقى لها سنين من سنة 1990 تقريبا فكانت بتسألها صفاء ابو السعود بتقول لها امتى اتحجبتي وليه فبتشرح لها انها راحت قعدت في حلقة من الحلقات دي حد دعاها علشان يحجبوا الممثلات فقعدت في الحلقة دي وبتقول انها اترعبت من كتر ما كانت المتكلمة بتتكلم عن عذاب النار و إذا لم تتحجبي ها يحصل لك ايه وبعدين بتقول ده هي شافتني ان انا مش محجبة زودت العيار حبتين، دي حياتنا كمسلمات
الاخ رشيد : اخد مكالمة من الجزائر الاخت حورية اهلا بيك
حورية : الو مساء الخير
الاخ رشيد : مساء الخير اختي حورية
حورية : اشكركم على البرنامج انا اشكر كمان الاخت اماني على ايمانها بالمسيح اريد ان اقول اني اؤمن بالمسيح علشان ببيتي لا احد مسيحي غيري انا اود ان تصلوا معي
الاخ رشيد : هل سلمتي حياتك للسيد المسيح اخت حورية
حورية : ايوه
الاخ رشيد : منذ متى
حورية : من كتير من 1994
الاخ رشيد : ممكن تصلي لها صلاة قصيرة لان هي مسكينة لوحدها بالبيت وانت مريت بنفس الاحساس
حورية : انا مريضة جدا
الاخ رشيد : الاخت مريضة خلينا نرفع صلاة ونطلب من كل مشاهد ومشاهدة باي مكان بالعالم وعلى البال توك وعلى الانترنت من فضلكم خلونا نتحد بالصلاة
الاخت اماني : امين ، ربي اشكرك ربي والهي وسيدي انت اله حرية انا ارفع امامك اختي حورية دلوقتي يا رب اسألك يارب تمد يدك على حياتها تكون انت سندها زوجها ابوها انت يا رب مصدر كل احتياجتها وغطيها يا رب اسألك سلام خاص وبركة خاصة عليها يا سيدي انت يدك شفاء كلامك بلسم اسألك تكون انت شفائها اليوم باسم يسوع المسيح تصادقك انت يارب لانك اله كامل صادق لا تتغير شكرا لك باسم يسوع
الاخ رشيد : امين ، اختي ثقي ان الرب ها يكون معك و انت لست وحيدة رغم انك وحيدة بالبيت لكن الرب وعدنا دائما يكون معنا
حورية : انا وحدي لا احد يزورني في البيت كي اصلي معاه بسبب يعني اتصل بكم
الاخ رشيد : خليك مع حد من غرفة التحكم وهم يكلموك ونحاول نشوف الرب يرتب إزاي انه تكوني في شركة مع مؤمنين تانين يمكن ابناء منطقتك او منطقة تانية
الاخت اماني : اخت حورية انا اوعدك ان احنا عندنا اجتماع صلاة اسبوعي ها نرفعك في الصلاة اسبوعيا احنا وجماعة الاخوة
الاخ رشيد : امين طيب بصراحة فيه ناس كتيرة محتاجة وانا متفهم باتوصل بامور صعبة وعائلات بتضطهد بناتها من اجل اتباع المسيح خصوصا ان المرأة مهضومة الحقوق في عالمنا العربي لا زوج يدافع عنها لا اب لا اخ دائما هي بتكون حالات صعبة يعملوا ايه لما بيكونوا مؤمنين وتحت ضغط كل واحد ازاي يحافظوا على ايمانهم
الاخ اماني : التوجه للرب يسوع وحده العلاقة الشخصية بينك وبين ربنا هو سندك الكتاب المقدس والكلمة بعدي عن الكلمة سبب فجوة في ايماني لاني بعدت عن كلمة الرب انا كنت باشرب كلمة الرب كل يوم وفجأة فصلت نفسي عنها الكلمة ، العلاقة الشخصية كمان لا يمكن لازم فيه حد مسيحي قريب ممكن الثقة فيه اطلبي من الرب هذا الشخص والرب ها يبعته الله قادر انه يعمل كده لي كان صديقة مسيحية عرفتها بعد ما جيت للمسيح كانت وستظل من اعز اصدقائي وقفت جانبي وانا في معموديتي ووقفت جانبي لما بعدت عن المسيح حبتني زي ما انا ، اعلم منها كانت تصلي لاجلي مازالت صديقتي حتى لو بينا قارات وما نقدرش نكلم بعض ، الشركة مع الاخوة مهمة جدا
الاخ رشيد : ناخد مكالمة من السيد محمد من الولايات المتحدة اهلا بك
محمد : اهلا بيك اخ رشيد بقالي مدة احاول اتكلم معاك لكن الحمد لله اليوم حصل يا اخي انا احب اقول لك كل الانبياء عليهم السلام في العهد القديم دعوا الى عقيدة التوحيد ان لا إله إلا الله ولما جاء عيسى عليه السلام حسب قول المسيحيين بين للناس ان الله هو الاب والروح القدس هوعيسى عليه السلام هم شخص واحد ومحمد عليه الصلاة والسلام ترك هذه العقيدة التثليث ودعا الى عقيدة التوحيد عقيدة العهد القديم يعني عقيدة كل الانبياء الذين بعثوا من قبل المسيح عليه السلام يا اخي رشيد اتعتقد ان الله يخزي عباده في عقيدتهم انه كان اله واحد وفي عهد المسيح اصبح ثالوث كل من كان له عقل سليم ، انت في هذا البرنامج تبين للناس ان الاسلام ديانة غير سماوية هذا من حقك وهذه محاورة الاديان وان القرآن من صنع محمد عليه الصلاة والسلام إذا كان الامر هكذا اخي رشيد فما بالك الإعجاز العلمي الذي جاء به القرآن واكد صحته الجميع الاكتشافات العلمية الحديثة وكثير من العلماء دخلوا الاسلام افواجا اعطني بعض الوقت اعرف ان المغاربة كرماء اعطني بعض الوقت
الاخ رشيد : انا سجلت لك سؤالين السؤال الاول عن الثالوث والوحدانية والسؤال الثاني عن الاعجاز
محمد : نعم والله عز وجل أفصل بين المسيحية والاسلام واليهودية في القرآن بآيتين الآية الاولى فصل المسيحية ماذا قال الله عز وجل سورة العمران 61 الله عز وجل قال لما جاء وفد من قبيلة نجران يجادل رسول الله صلى الله عليه وسلم في شأن عيسى عليه السلام قالوا له من هو عيسى الرسول صلى الله عليه وسلم لم يجب انتظر حتى اوحى الله عز وجل إليه هذه الآيه فمن حاجة فيه بعد ما جاء من علة فقل تعالوا ابنائنا وابنائكم ونسائنا ونسائكم وانفسنا وانفسكم ثم نبتهل فنجعل لعنة الله على الكاذبين تعرف اخي رشيد هذه الآية نزلت لما جاء وفد من نجران من 60 رجلا من بينهم 14 من اشرافهم من قبيلة بني نجران و كان اميرهم هو العاقل اسمه عبد المسيح وكان عالمهم هم الايهم
الاخ رشيد : اعطني خلاصة لانك تستخدم وقتك في تفاصيل
محمد : نعم هذه الآية اللي البطرس زكريا قال لي اعطني الاسم بتاع الاسقف والامير وانا اعطيك التفاصيل يعني ترجع الى المصادر اعطيك مصادر ايضا ولما جاءوا اليه ماذا قال يا ابا القاسم دعنا ننظر في امرنا ثم نأتيك بما تريد عندما يرجعون اليه فقال عبد المسيح وهو اميرهم يا معشر النصارى لقد عرفتم ان محمد لنبيا مرسل ولقد اتاكم بالخبر صاحبكم اي عيسى ولقد علمتم انه على قوم نبيا قط ولا نبت صغيرهم فالاستآثار منكم اذ فعلتم واما ان ابيتم يعني البقاء على المسيحية
الاخ رشيد : اخي محمد خليني اجاوب الآن جاء دوري للجواب بالنسبة للثالوث المسيحيين يؤمنون بإله واحد يعني نحن لا نؤمن بثلاث الهة من حقنا نؤمن بالله كما قال في الانجيل في العهد القديم كانت صورة الله غير واضحة كانت صورة كان عندهم فكرة عن الله لكن لم تكن واضحة جدا بالمفهوم اللي جاء في العهد الجديد وهذا صحيح ما يقدرش اي واحد ينكره ان الله في العهد القديم لم يكن بنفس الوضوح الذي كان عليه في العهد الجديد بالاعلان فمسألة الثالوث لا نؤمن بثلاث آلهه نؤمن بإله واحد هو الإله الكامل الآب والابن والروح القدس بمعنى الذات الالهية والروح الالهية والكلمة الالهية هو الاله الواحد هم ثلاث شخصيات لكن اله واحد كيف هذا لا نعرف كيف لا نعرف الكيف كما يقول المسلمون لا نعرف كيف يتعاملون خلينا نقول حتى اللغة العربية لا تسعني حتى اتكلم عن هذا الموضوع بينهم لماذا لان الله ليس كمثله شئ ارقام لكان الله مثله شئ وليس مثله شئ ممكن ان يكون كما اراد
الاخت اماني : ممكن دلوقتي ياخدوا عليك انك قلت ثلاث شخصيات ، دائما المسلم نشرح الثالوث ده ونشرحه بالتفصيل وبعدين يرجع يقول لك ثلاثة ، علشان يبقى واضح يعني بنتكلم على صفات الله مش ثلاث شخصيات
الاخ رشيد : لانه شخصية تعني بهذا الشكل مع ليست مستقلة كل الانفصال او منفصلة هذا التعبير الصحيح شخصية لكن ليست منفصلة الجوهر واضح ، اقنوم كانت هي الكلمة الاصح للتعبير عن هذا الموضوع هذا بالنسبة للثالوث كتير من المسلمين يقولون و 1 + 1 + 1 هل تساوي واحد فيه احد الاخوة قال مرة وهذا كان مثال جيد انه ليس 1 + 1 + 1 هو مالا نهاية + مالا نهاية + ما لانهاية دائما تساوي مالا نهاية الله ليس رقم 1 الله غير محدود إذا لا محدود + لا محدود + لا محدود تساوي لا محدود ليس ثلاث لا محدودين بالنسبة للإعجاز العلمي سنخصص حلقات كاملة عن الاعجاز العلمي ويكفي ان اقول لك انه لم يرد لفظ اعجاز في القرآن كله ولا آية قرآنية تقول انا في اعجاز علمي ولا اية تقول انا في معجزة علمية وكان بالاحرى محمد يقولها ، الاعجاز العلمي هو بدعة متأخرة جدا وابتكرها علماء الاسلام حتى يجذبوا الناس من الذهاب وراء العلم حتى يذهبوا وراء الدين بالنسبة لقولك ان وفد نجران لا يوجد مسيحي على الارض يتفق معاك انه لو اختلفنا في امر محمد لم يجاوب وفد نجران تعالوا جيبوا اولادكم ونجيب عائلتنا ونطلب لعن الله وتنزل لعنة الله على واحد فينا هل هذه طريقة للمناظرة والمحاجة مثلا نحن في البرنامج نقول تعالوا يا مسلمين جيبوا عائلتكم كلكم تعالوا نجمع المسيحيين ونجيب عائلتهم ونطلب لعنة الله تنزل على اي واحد فينا ده كلام غير معقول غير علمي لا يصلح للحوار والمناقشة والمناظرة اجيب حججي وتجيب حججك نتناظر بيهم والناس تشوف مين عنده حق هذا المنطق المعقول
محمد : القمص زكريا قال هذا رأي محمد واصحابه
الاخ رشيد : اللعنة جاءت في سورة آل عمران انت قلتها بنفسك والمسيحي مطلوب يبارك الناس لا يلعنهم لا يوجد مسيحي مطلوب منه ، الكتاب يطلب منا ان نبارك الجميع حتى اللي اساؤا لنا هل تريد مني اطلب اللعنة نتناقش في امر عوض ان اقدم ادلة اطلب لعنة
محمد : اللهم لعنة ويظهر الحق والظالمون يأخذون حقهم والبشرية تسعد من بعدهم
الاخ رشيد : تعرف ان اللعنة هي مصدر غير الهي اللعنة لما
محمد : لأ هذا تحدي وانا اتحدى علماء المسيحية ان يحاوروا عالما مسلما بهذه الآية
الاخت اماني : واين اللعنة ماذا حدث بعد ذلك
محمد : خافوا رسول الله ما بقي مسيحي على الارض ابدا فقالوا يا محمد ابقى على دينك ونحن على ديننا وماذا قال لليهود
الاخ رشيد : لا يوجد انسان مفكر في العالم يتخذ هذه حجة تعالوا نتلاعن يعني اطلبوا انتم لعنة وانتم اطلبوا لعنة اللي ها تنزل فيه اللعنة طيب مين ها يكون الحكم بيننا علشان نشوف ده كلام غير معقول يا اخي جيب حجة بحجة ودليل بدليل اللعنة ليست حل للنقاش
محمد : لأ يا اخي على العموم انا احترمك يا رشيد واتحداك لو جبت اعجازفي القرآن في اي حلقة من الحلقات
الاخ رشيد : بإذن الرب انا سآتي
محمد : اسمعني قول لي رشيد
الاخ رشيد : انا اسمعك خليني اجاوب انا اقوم بإعداد حلقات وبإذن الرب عن قريب سيكمل المحتوى وستشوفها و حينها اطلب منك ان تكون ملتزم بتحديك وتتصل بالبرنامج وتقول لنا ايه رأيك اتفضل
محمد : كيف يحاوزوا الاديان يأتوا باي مسيحي ويحاورونا و يحبون نحاور الهندوس يأتون بهندوسي يرونا الحجة إذا كانت عنكم حجة لا تخاف
الاخ رشيد : خليني اقول لك لماذا لو جبت اي عالم مسلم عندي الاستوديو اقرأ على جنازتي بعد يومين ها تشوف جنازتي بالاخبار
محمد : لأ لأ هذا عذر
الاخت اماني : دي حقيقة يا اخي
الاخ رشيد : هذا مش عذر
محمد : انت تستضيف عالم
الاخ رشيد : اي عالم مسلم سيأتي الاستوديو سيكشف عن مكاني سيعطي كل معلوماتي وانت تعرف اننا كتير مهددين اشكرك اخي محمد اشكرك على الاتصال ، بعض المرات بعض الامور تضحك برغم جديتها ، على فكرة نحن نعطي كل عالم نحن قلناها ان اي عالم ممكن نعمل معه مناظرة علىالهاتف من غير ما يكون حضور مكاني لانه نخشى على سلامة الافراد والضيوف اللي بيكونوا ده شئ معروف ولازم يتقبلوه منا لانه ما فيش واحد بيخاف من ان يقتل إلا الذين يهاجمون الاسلام لو اي واحد انتقد المسيحية ممكن يذهب لاي قناة وينتقدها زي ما هو عايز ما فيش حد ها يؤذيه
الاخت اماني : لانه انا عرف عني اني بقيت مسيحية انا اضطريت اني اختفي لمدة عشر سنين لأ مش في مصر في امريكا بلد الحريات
الاخ رشيد : وكنت متخبية زي ما شفنا بالمانيا الآن السلطات تحاول طلب حماية المسيحيين
الاخت اماني : لمدة عشر سنين اختفيت وغيرت اسمي واسم اولادي وكان شئ مرعب جدا تليفوني في امريكا كان مراقب تليفون بيتي كان مراقب في امريكا تليفون والدي ووالدتي كان مراقب في امريكا العشر سنين دول انقطعت فيهم عن والدي ووالدتي علشان لو عرفوا انا فين ممكن يقتلوا و دي حقيقة انا النهاردة طالعة باسمي الحقيقي انا فعلا اسمي اماني مصطفى وقلت حاجات عن نفسي مش خايفة بأقول لكم دي حقيقة
الاخ رشيد : خلينا ناخد مكالمة من الاخت مريم من المملكة العربية اهلا بيك
مريم : سلام المسيح معاكم حبيت ارحب بس بالاخت اماني وأقول لك فعلا انت انتقلت من الظلمة الى النور احب اقول آيه ممكن تجرح احد اللي ها ينجرح من كلمة ظلمة يتذكر الآية اللي قالت " الله ولي الذين امنوا يخرجهم من الظلمات الى النور والذين كفروا اوليائهم الطاغون يخرجوهم من النور الى الظلمات " مين اللي قالها في البداية ومين هم الذين كفروا لقد كفر الذين قالوا ان الله و المسيح بن مريم ما فيه وضوح اكثر من كده مين المفروض ينجرح من كلمة ظلمة وكلمة نور وهي مذكورة في كتاب يعتبر مقدس بالنسبة للمسلمين
الاخت اماني : ودي حقيقة بس احنا مش عايزين نزعلهم ولا نجرحهم
الاخ رشيد : اشكرك اخت مريم ، نحن تقريبا بالدقائق الاخيرة بالبرنامج امامنا 6 دقائق اريد تذكري لي الانتصارات بالاخير انت كان عند لحظات ضعف كان عندك اشياء صارت في حياتك ، لكن انتصارات بعد كده إزاي رجعت من جديد ولك علاقة قوية مع المسيح
الاخت اماني : شكرا للرب لما روحت امريكا الفترة اللي اخدني فيها ربنا لوحدي كانت فترة تمحيص وتنقية وعلاقة شخصية قريبة منه وحتى فترة هروبي تحت هذا الالم الشديد يعني انا كنت اقول انا روحت امريكا علشان ارتاح وابتدي اعيش انا واولادي واخد بالي منهم واراعيهم دلوقتي ابتدي اهرب الرب وراني صورة وكنت عند الدكتور مرة وبابص كده جانبي لقيت كتاب مقدس بتاع اطفال ومفتوح على صورة واخدة الكتاب كله صورة امرأة لوط ، لوط وبناته بيجروا قدام ولوط عامل كده لبناته ومراته بتنظر للوراء وتحولت لعمود من الملح فكانت دي رسالة من غير ولا كلمة كانت رسالة لله بيقول لي انا بأوجهك امشي ما تبصيش للوراء من هذه اللحظة قررت اني اسلم له بالكامل و من اللحظة دي حتى في حالة هروبي الرب باركني اولادي تربوا كويس جدا الاتنين خدام للرب ، نشكر الله الانتصارات معه لا تنتهي
الاخ رشيد : ككلمة توجهيها لكل سواء النساء اللي في طور البحث عن الحقيقة اللي ربما بيخفوا امر ايمانهم في عائلتهم ربما عرفوا الحقيقة ولم يتخذوا القرار انا احب تتوجهى لهؤلاء الناس اعطيهم افكار ، تشجيع كلمة من عندك
الاخت اماني : الحاجة اللي جاية على قلبي ان انا اقول لكل اخت من اخواتي الله اله عادل مش محتاج ان حد يرضى عنك علشان هو يرضى عنك مش محتاج واسطة الواسطة الوحيدة والاحتياج الوحيد هو دم يسوع المسيح لكن لحد ما تعرفي كده انا عايزة اقولك احنا العادات والتقاليد بتاعتنا ربتطتنا خاتنا ما نبقاش احرار في اتخاذ قرارتنا في اننا نفكر وناخذ قرارات لوحدنا عايزة اقول لك انت انسانة كاملة الله بيحبك من حقك انك تسألي و تدرسي افتحي قلبك واسألي الله انت مين يا رب يوم ما طلبت منه ده وضح لي نفسه وامين يديك نفس التوضيح
الاخ رشيد : اشكرك يعني اريد فقط بالاخير ازاي شفت الانجيل اتعامل معك كأمرأة إزاي اتكلم معك المسيح كأمرأة وازاي تنقلي نفس الفكرة للمشاهدات
الاخت اماني : الانجيل من البداية لما تكلم عن المرأة قال ان الله خلق المرأة من ضلع ادم حقيقي لكن مساوية له الله خلق معينا نظيره الكتاب بيقول عن المرأة انها معين نظير ده احترام ومساواة وحتى لما ادم نظر لها نظر لها واحبها كان فيه الله خلق شئ جميل كان فيه مفجأة حلوة ايوة تبقى قريبة من قلبه
الاخ رشيد : ايضا لما نقرأ انا شفت الاخت اماني لما نقرأ الانجيل ونشوف مثلا قصة الرب مع الخاطئة الزانية اللي كان مفروض يحتقرها المجتمع و ينظر لها باحتقار شديد نراه يكلمها ويقول لهل ولا انا ادينك اذهبي ولا تخطئي ايضا
الاخت اماني : القصة دي غالية قوي على قلبي لان الرب كلمني انا شخصيا فيها شفت ان الرب يسوع لم ينظر لها وهي واقفة وملابسها مقطعة وعريانة وتعبانة ومكسوفة كان يكتب على الارض لكن اللي شفته بعين قلبي ان الرب لما رفع رأسه و بص لوجهها وقال لها اما دانك احد ولا انا ايضا ادينك اذهبي ولا تعودي تخطئي ايضا ودي كانت رسالة منه لي انا شخصيا
الاخ رشيد : نشكر الرب وايضا نراه مع السامرية يقول لها بكل عطف وحنان لو كنت تعلمي عطية الله ومن هو الذي يقول لك اعطني لاشرب لطلبت انت منه ايضا فأعطاك ماء حيا و بالنسبة للمرأة الفينيقية يا امرأة عظيم ايمانك ليكن لك ما تريدين
الاخت اماني : و ان الكتاب بيقول للزوج انه يحب زوجته كما احب المسيح الكنيسة هل فيه اعظم من هذا مكانة
الاخ رشيد : انا اريد كل مشاهد وكل مشاهدة يفكروا كيف الرب اتعامل مع هؤلاء النساء والكتاب المقدس هو الوحيد اللي بيذكر ان هناك امرأة نبية النبية حنة مثلا في الاسلام عيب المرأة تقود مجتمع فكيف تصير نبية يعني الانسان يشغل دماغه شوية اشكرك اختي اماني على المجئ للبرنامج ونتمنى نستضيفك مرة ثانية اعزائنا المشاهدين في اخر هذه الحلقة اتوجه بالسؤال لكل اخ واخت ان يراجعوا حياتهم ومواقفهم ومعتقداتهم لانه ماذا ينتفع الانسان لو ربح العالم كله وخسر نفسه في حلقتنا القادمة اجابات على ردود السيد فاضل سليمان مع جناب القمص والاخ احمد الى اللقاء والرب معكم جميعا .

rating

Please Login or register to be able to rate or comment

  Comments

No comments.


  
الصفحة الرئيسية | خدمات | برامج وفيديوهات | إتصل بنا | مساعدة
بيان الخصوصية | شروط الاستخدام
Copyright 2019 by IslamExplained.com